Пејачката Сека Алексиќ одговараше на прашањата на своите следбеници на Инстаграм, а едно се однесуваше на нејзината врска со пејачката Јелена Карлеуша.
Сека и Јелена и претходно водеа „медиумска војна“ и познато е дека не беа во добри односи, а многумина се уште се заинтригирани од нивната врска.
Имено, сега фановите ja прашаа Алексиќ за мислење за Карлеуша, а следеше одговорот.
– Секогаш има неколку од овие прашања, па на ред сум да одговорам. Се менував со годините, созреав, се трудев да немам негативна енергија околу мене. Сè се случуваше порано … Неискуство, поттикнување итн. од моја страна сега имаm многу убаво мислење за Јелена. И Зоран ми е драг и многу културен човек. Се следиме и на Инстаграм – напиша Сека.
Да потсетиме, и покрај бројните несогласувања кои ги имаа претходно, Алексиќ јавно ја поддржа Јелена во 2019 година, кога таа го минуваше најтешкиот период во животот. Очигледно, по објавата на Сека, таа и Карлеуша го оставиле конфликтот зад себе.
