Во текот на денешниот ден, како и утре времето во Македонија ќе биде претежно стабилно и суво, односно променливо облачно со сончеви периоди. Особено денес ќе дува слаб до умерен, а Долж Повардарието повремено засилен ветер од северен и од северозападен правец. Температурите ќе се искачуваат во интервалот од 2 до 10 степени – вели нашиот метео прогнозер Славчо Попоски.
ВО СКОПЈЕ И ОКОЛИНАТА ВРЕМЕТО ЌЕ БИДЕ ПРОМЕНЛИВО ОБЛАЧНО СО СОНЧЕВИ ПЕРИОДИ. ЌЕ ДУВА УМЕРЕН, ПОВРЕМЕНО ЗАСИЛЕН ВЕТЕР ОД СЕВЕРЕН ПРАВЕЦ, ДОДЕКА МАКСИМАЛНАТА ТЕМПЕРАТУРА ЌЕ СЕ ИСКАЧИ ДО ОКОЛУ 6 СТЕПЕНИ.
Според Попоски од петок попладне и навечер следува период на променливо облачно време, на повеќе места со повремени врнежи од дожд и снег на ниските и од снег на повисоките места и на планините.
Што се однесува до температурите, минималните насекаде ќе се спуштаат под нулата, односно истите ќе се спуштаат во интервалот од -8 до -2 степени, додека максималните ќе се искачуваат во интервалот од 2 до 11 степени, додека пад на истите ќе има за време на викендот кога ќе се искачуваат во интервалот од 1 до 8 степени.
