До крајот на денов времето во Македонија ќе биде сончево со умерена, локално и позначителна облачност. Во вечерните часови, како и во текот на ноќта во североисточните и во источните предели ќе има појава на локален дожд и снег на планините. Ќе дува и слаб до умерен ветер од западен и од југозападен правец, додека температурите ќе се искачуваат во интервалот од 10 до 16 степени.
Во Скопје и околината времето ќе биде сончево со умерена облачност и со слаб до умерен ветер од променлив правец. Во текот на ноќта ќе има повеќе облачност и ќе има услови за слаб дожд. Максималната температура ќе се искачи до околу 16 степени.
Инаку како што најавивме утре ќе се задржи променливо облачно и релативно топло време со повремен локален дожд и снег на планините. Температурите ќе се искачуваат во интервалот од 10 до 16 степени.
Веќе од петок, па за време на викендот, и тоа поради спуштање на ЗНАЧИТЕЛНО ПОСТУДЕНА воздушна маса од север времето ќе биде променливо облачно и ЗНАЧИТЕЛНО ПОСТУДЕНО со повремени локални послаби врнежи претежно од снег, додека во југоисточните предели врнежите ќе бидат од дожд и од снег. Ќе дува и умерен, повремено на некои места засилен ветер од северен и од североисточен правец.
Што се однесува до температурите, тие повторно ќе бидат ЗНАЧИТЕЛНО ПОД ПРОСЕКОТ за овој период од годината и минималните понекаде ќе се спуштаат дури и до околу -10 степени, додека максималните ќе се искачуваат во интервалот од 2 до 10 степени.
И во Скопскиот регион утре ќе се задржи релативно топло време со макссимална температура до околу 13 степени. Пад на истите се очекува од петок па за време на викендот, кога ќе дува и умерен, повремено засилен ветер од северен и од североисточен правец. Времето ќе биде променливо облачно со услови за локално проврнување на дожд и на снег. Минималните температури особено за викендот ќе бележат тенденција на пад и ќе се спуштаат до околу -5 степени, додека максималните ќе се искачуваат помеѓу 6 и 7 степени.
За нови, детални и по потреба обновени метео информации, следете го официјалниот фејсбук профил на Славчо Попоски тука
Можете да ме следете и на инстаграм slavchopoposki
