Луѓето родени во овој хороскопски знак се големи визионери и кариеристи и воглавно исполнуваат сè што ќе замислат.
Станува збор за Водолиите, а лицата родени од 20-ти јануари до 19-ти февруари се родени во тој знак.
Тие имаат две страни – мирна и срамежлива и енергична и екстровертна на која не може да ѝ одолеете.
Токму во знакот на Водолија се раѓаат најголемите генијалци. Нивната фантазија и креативност ги преминува сите граници, па често се несфатени, бидејќи веќе се на некое ниво, кое другите уште не го достигнале.
Освен што се многу одговорни, разумни и реални, Водолиите во повеќето случаи се и вистински авантуристи и сакаат да им помагаат на луѓето околу себе.
Но, иако сакаат луѓе, слободата ја сметаат за најголем подарок и не сакаат прерано да се врзуваат, но ниту предолго да останат во семејната куќа.
Самостојноста ја сметаат за созревање и клучна ставка за успех. Иако многу лесно стануваат успешни, тие добро знаат да ги ценат парите и да располагаат со нив, па од нив нема никогаш да слушнете дека не можат да го преживеат месецот.
Познати личности родени во знакот на Водолија се: Моцарт, Џон Траволта, Џенифер Анистон, Тоше Проески, Роби Вилијамс, Парис Хилтон, Кристијано Роналдо, Шакира, Алиша Кис, Џастин Тимберлејк.
