Седум часа без струја утре ќе бидат корисниците од дебарското конзумно подрачје кое ги опфаќа општините Дебар, Центар Жупа, Маврово и Ростуше, како и подрачјето на Река.
-Целото дебарско конзумно подрачје утре, од 7:00 до 14:00 часот, ќе биде без напојување со електрична енергија поради зафат на среднонапонската електромрежа, соопшти Регионалниот центар за управување со кризи во Дебар.
На територијата на дебарското конзумно подрачје има над 12 000 потрошувачи на електрична енергија.
Поради реконструкција на водоводна мрежа ф-2“ на улица „Јуриј Гагарин“ 85, утре прекинато водоснабдување ќе имаат корисниците на дел од ул. „Јуриј Гагарин“, ул. „Козле“, ул. „Кораб“, ул. „Струшка“ и ул. „Мокра“.
Од ЈП Водовод и канализација – Скопје информираат дека водоснабдувањето ќе биде прекинато од 9:00 часот до завршување со работните активности.
