Стефан Ашковски беше дел од екипата која пред три дена во Палермо успеа да ја елиминира Италија и да се пласира во финалето од баражите за пласман на Светскиот шампионат во Катар.
“Ова е лудило што ни успеа во Палермо. Португалија е силна репрезентација, но и ние имаме одличен тим. Мислам дека тоа е натпревар со отворен резултат, не сме сигурни ‘жртви’ за Португалците. Ќе видиме како ќе се одвива играта. Не се плашиме од никого, дури ни од Кристијано Роналдо и од ѕвездите на Португалија. Ние сме едно сплотено семејство, обединета група, мислам дека оттаму доаѓа нашата сила. Сега сакаме добро да закрепнеме, бидејќи се вложија огромни напори, а имаме уште неколку дена да се подготвиме соодветно за овој важен решавачки натпревар”, рече Ашковски.
