На сите ни се случило несакајќи да проголтаме гума за џвакање, па веројатно барем еднаш во тој случај некој ви кажал, „ќе ти се залепат цревата“, што неретко и претерано нѐ загрижуваат. Сепак прашањето е дали е ова возможно или е само мит со кој се лажат децата?
Гастроентерологот д-р Лиса Ганџху за Базфид открива што сѐ точно се случува кога ќе голтнеме мастика и дали постои причина за загриженост.
Нашиот дигестивен тракт е исклучително силен. Ако може да преработи парче месо, може и мастика. Кога тоа еднаш ќе влезе внатре, ќе излезе како и сѐ друго. Не постои одреден временски период за преработка на мастиката, затоа што тоа зависи од човекот индивидуално, истакнува докторката и нагласува дека единствената разлика е во тоа што гумата за џвакање не се разградува целосно поради нејзините својства.
Сепак, Ганџху препорачува тоа да не ни се случува често бидејќи, сепак, мастиката може да се заглави во хранопроводот и да настанат сериозни проблеми.
