Општото поскапување на цените во Хрватска сериозно ќе ги погоди и туристите за кои Јадранското Море е прв избор за летување.
Деновиве многу жители на Сплит се шокирани од цените во кафулињата, каде што водата чини во просек 3 евра, сокот речиси 4 евра, колку и малку домашно (т.е. хрватско) пиво.
Раководител на ресторан за брза храна, во близина на влезот за визбите на Диоклецијан, вели дека иако нивните цени се слични на горенаведените, деновиве планираат да ги покачат.
Тоа е затоа што имаме зимски и летен ценовник. Веќе има многу туристи, па време е за сезонски цени – вели тој, објаснувајќи дека зголемувањето на набавките мора да се одрази на цената на храната, кафето и алк*холните пијалоци во угостителство.
Сопствениците на ресторани и кафулиња велат дека не само што се зголемени откупните цени, туку двојно е зголемена и цената на изнајмувањето на просторот, цената на кафето скокнала за 15 отсто, а се најавува и поскапување на струјата.
Во едно од најскапите кафулиња во Сплит потребно е да се издвојат околу 2,5 евра за еспресо, околу 4,5 евра за кола и вода и 6 евра за мало домашно пиво. Цените во кафулињата во Сплит драстично скокнаа, а сопствениците на ресторани велат: „Угостителството е луксуз, живееме од туристи, а кафе си правиме дома“.
Дополнителен проблем за угостителите е и недостатокот на квалификувана работна сила.
Сопственик на ресторан на шеталиштето во Сплит вели дека имаат голем проблем со недостигот на работна сила, кој според него е „слаб и непостоечки“. Тој се жали дека луѓето повеќе не сакаат да работат како слуги и дека повеќето од оние кои се одлучуваат да го направат тоа се многу непрофесионални.
Доколку сакате да ги задржите врвните работници, треба добро да ги платите, што секако се одразува и на цените во менито. Што се однесува до нас, ние ги испраќаме вработените на разни гастрономски курсеви за да ја подобрат својата професија и на тој начин квалитетот на нашите услуги, но и тоа чини – истакнува тој.
