Претераното трошење на електрична енергија не само што чини повеќе во ова време на инфлација, туку исто така придонесува за глобалните климатски промени. Целиот свет е во недостиг на електрична енергија па затоа би било добро секој еден од нас да заштеди барем по малку.
Важно е да се знае на кој начин е најдобро да се користи клима уредот со цел максимално да се заштеди на електрична енергија.
Можеби ќе ви се чини како непотребно трошење на електрична енергија кога го вклучувате и исклучувате клима уредот, но на тој начин ќе заштедите доста на пари, а клима уредот на тој начин работи подобро.
Всушност, системот на разладување на просторот најефикасен е кога работи со полна брзина, отколку кога работи во кратки периоди со помала брзина, со цел да се одржи константна температура во текот на целиот ден.
Освен тоа, кога клима уредот работи со полна брзина, подобро ќе ја избрка влагата од вашиот дом.
Електична енергија може да се заштеди и доколку термостатот на клима уредот го подесите на повисока температура (разликата помеѓу собната температура и надворешната не смее да биде поголема од 7 до 10 степени).
Според некои податоци, клима уредот троши од 3 до 5 % помалку енергија со секој степен погоре на термостатот.
За максимална заштеда на енергија, клима уредот оставете го да работи на 26 или повеќе степени целзиусови, додека не сте дома.
