Српската претставничка на овогодинешната Евровизија ги повика сите да одговорат на акцијата за што поскоро да се соберат пари за лекување на дете.
Пејачката Ана Ѓуриќ, попозната како Констракта, се вклучи во хуманитарната акција за собирање помош за малата Ленка Жутковиќ (3) за да се соберат средства за нејзиното лекување. Како што беше објавено на Фејсбук страницата „Биди хумани – хуманитарни аукции“, српската претставничка на овогодинешниот Евросонг заедно со член на групата избра нараквица која беше ставена на аукција. Почетната цена е 2.880 динари, а наддавањето заврши вчера попладне.
– Нашата драга Констракта се вклучи во хуманитарната акција за помош на малата Ленка. Станува збор за накит, почетната цена на нараквицата е 2.880 динари, а се надеваме дека ќе се соберат што повеќе пари за помош – пишуваше под фотографијата на Фејсбук страницата.
Овој потег на евровизиската претставничка многумина го пофалија, па фотографијата со сите информации брзо се прошири на социјалните мрежи.
