Бритни Спирс и нејзиниот вереник Сем Асгари денеска треба да се венчаат, пренесува Daily Mail.
Според TMZ, 40-годишната пејачка и 28-годишниот фитнес инструктор ќе разменат брачни завети пред стотина луѓе. Додека нејзиниот брат Брајан треба да биде присутен, нејзините родители Џејми и Лин Спирс, како и нејзината сестра Џејми Лин, најверојатно нема да се појават на церемонијата.
Упатени извори за TMZ изјавиле дека се уште не е јасно кој ќе ја донесе Спирс до олтарот.
Бритни и Асгари објавија видео на Инстаграм на кое се возат во Ролс-Ројс. Спирс во видеото пие шампањ и имитира британски акцент и истакна дека ужива во тоа елегантно возило и дека се чувствува софистицирано. Асгари и Спирс се свршија во септември 2021 година, а набргу потоа беше виден како избира прстен.
Славниот пар во последните неколку месеци ужива во низа луксузни екскурзии, а се видени на Хаваи, Лас Вегас и луксузните мексикански одморалишта во Кабо Сан Лукас и Канкун. Веднаш не беше јасно што ќе облече Спирс за прошетка до олтарот, иако таа и Асгари беа видени на состанок со Донатела Версаче пред помалку од три месеци.
