Постојат хороскопски знаци кои е подобро да избегнувате да се забавувате со нив, ако сакате да имате стабилна и сериозна врска. Еден знак особено се истакнува, а за него многумина велат дека е далеку од идеален љубовен партнер.
Станува збор за Близнаци, а истражувањето кое го спровел порталот „MindBodyGreen“ открило дека дури 42 отсто од луѓето тврдат дека никогаш не би се забавувале со личност родена во знакот на Близнаци.
Причината за тоа е што многумина ги сметаат за дволични и егоцентрични, а во врските често знаат да бидат и напорни бидејќи имаат потреба од постојана возбуда и забава за да останат заинтересирани за љубовниот живот.
Тие имаат длабока потреба за адреналин, дружење и нови откритија во сите аспекти од животот, поради што повеќето не сакаат да се впуштаат во љубовна врска со нив.
Сепак, астролозите велат дека еднаш кога ќе пронајдат некој кој навистина ќе им значи, можат да го променат своето однесување, да станат сериозно грижливи и да создаваат сериозни планови на долг рок.
