Мексиканската полиција извлекла група деца и постари тинејџери од џунглата на безбедно, кои биле членови на еврејската секта Лев Тахор, за која се верува дека е вмешана во трговија со малолетници.
Како што пренесува Би-Би-Си, децата кои побегнале од канџите на „Чисто срце“ сега се на пат за Израел каде имаат семејства.
Лев Тахор (хебрејски значи чисто срце) е познат по своите екстремистички практики и наметнувањето строг режим на неговите членови. Тие се залагаат за детски брак, изрекуваат строги казни дури и за помали прекршоци и бараат од жените и девојчињата на возраст од три години целосно да се покриваат со облека. Затоа го добија прекарот „еврејски талибанци“.
Во петокот наутро полицијата влегла во имотот на 17,5 километри северно од Тапачула во државата Чиапас.
Извор близок до операцијата рече дека момчињата и девојчињата брзо биле одвоени од остатокот од групата поради страв дека ќе бидат нападнати од други членови на групата.
Мексиканската полиција работеше заедно со четиричлен волонтерски тим од Израел, вклучително и поранешни агенти на Мосад, за планирање и извршување на операцијата. Целата операција е започната пред околу две години кога роднина на еден од членовите на култот побарал помош од еден од поранешните израелски агенти.
Тимот патувал меѓу Израел и Гватемала, каде што подружницата живее од 2014 година, спроведувајќи операции за надзор и работејќи со локалните власти, органите на прогонот и приватен истражител од Гватемала. Во јануари, околу 40-50 членови илегално преминаа во Мексико, каде сè уште се следат, сместувајќи се во џунглата северно од Тапачула.
Лев Тахор е основан во Израел во 1988 година од рабинот Шломо Хелбранс, кој подоцна се преселил во САД. Тој одлежа две години затвор откако беше осуден за киднапирање во 1994 година и се удави во Мексико во 2017 година.
Со околу 350 членови, Лев Тахор беше принуден да се сели од земја во земја во последниве години, откако беше под лупата на локалните власти. Сектата моментално е распространета меѓу Израел, САД, Македонија, Мароко, Мексико и Гватемала. Помеѓу 70-80 членови се уште се во Гватемала.
Иако групата често се опишува како ултраортодоксна, таа го следи сопствениот сет на правила и израелскиот суд ја прогласи за „опасен култ“.
Нејзините водачи негираат дека ги прекршиле локалните закони и велат дека групата е цел на нејзините верувања.
