Во затворот во Сремска Митровица починал Рашид Сакиќ, синот на починатиот легендарен пејач Синан Сакиќ, а причината за смртта не е позната, јавуваат локалните медиуми!
Српските медиуми пренесуваат дека веста за ненадејната смрт на 45 годишниот Рашид Сакиќ се појави на социјалната мрежа Фејсбук на страницата Лозница Град, а за смртта на Рашид семејството било известено од управата на затворот во Сремска Митровица.
Според информации од извор близок до семејството, неутешната мајка Велида плаче и не може да си дојде на себе, а причината за ненадејната смрт се уште се утврдува.
Пејачот Синан Сакиќ во текот на животот само еднаш си ја отвори душата и откри се за својот син, а од тогаш никогаш повеќе не сакаше да зборува на таа тема.
Во споменатото интервју од 2017 година, Синан признал, како што секогаш искрено кажувал, дека само еднаш го посетил Рашид во затвор. Тешко му било што неговиот син беше осуден на 12 години за убиството на Драгољуб Деспотовиќ во Лозница во мај 2002 година.
Вдовицата на Синан, Сабина, поднесе кривична пријава против Рашид, откако претходно ги пријавила наводните закани што Рашид и ги упатувал.
Во интервјуто од 2017 година, Синан призна, како што секогаш искрено кажуваше се, дека само еднаш го посетил Рашид во затвор каде му рекол на синот дека ќе му испрати што треба, но дека нема да дојде повеќе.
И навистина тој уште еднаш не дојде до крајот на животот во тој затвор.
-Мојот син доби четири куршуми во одбрана и пукаше. Но, никој жив не го споменува тоа, сите зборуваат дека мојот син си го убил најдобриот другар. Му купував патики, носеше мој тренерки, тоа беа деца кои спиеле заедно, ниту една секунда не можеа еден без друг, раскажа во емисијата пејачот.
Тој се присетил и дека не отишол во болница ниту еднаш кај својот син.
-Не отидов во болница, бидејќи ми беше жал, ми беше жал затоа што спиеја заедно и не можеа да живеат еден без друг… како можеше ова да се случи… во болница не бев, но кога отидов во затвор само му кажав неколку збора: Знаеш колку те сакав тебе и него, секој нека си го носи своето бреме, а јас нема да бидам меѓу вас. Ако ти треба нешто ќе ти дадам, ќе ти го испратам, но да дојдам уште еднаш тука никогаш нема да ме видиш“, си ја отворил душата пејачот за емисијата „Гол живот“.
