Коста Кецмановиќ, 13-годишникот кој уби девет соученици и еден чувар во ОУ „Владислав Рибникар“ во Белград е сместен на опсервација и психијатриско лекување во здравствена установа, но момчето неколку пати го менувало однесувањето откако било примено во установата.
Сега побарал да повика некој да му ја скрати косата, пренесуваат српски медиуми.
„Само одеднаш им се обрати и им кажа: ‘Повикај некој да ми ја скрати косата! Не ми се допаѓа како изгледам’. Сите ние бевме шокирани“, изјавил извор за порталот Republika.rs.
Во установата момчето прво покажало присебност и тоа расположение траело повеќе од еден месец. Не покажувал знаци на каење, а најмногу прашувал кога ќе може да го користи компјутерот и да игра игри.
Сепак, пред неколку дена го променил расположението и станал далеку понервозен. Се почесто поставувал прашања, имено кога ќе биде ослободен – што патем според властите на прогонот тоа не е во план.
„Момчето убиец се гледа себеси како нормална личност и така си зборува. Притоа, тој сè уште не покажува каење за бруталното масовно убиство, ниту некаква емоција кон убиените пријатели или неговото семејство, кои исто така ги стави во страшна ситуација, особено неговата помала сестра, ниту виновна ниту одговорна“, додал неименуваниот извор.
