Косовскиот зелник е вистинска крцкава, ронлива пита на која тешко може да се одолее. Се прави едноставно и брзо.
Еве го рецептот
Состојки:
500-550 гр брашно
1 лажичка сол
300 мл вода
За премачкување на кората:
200 гр путер
100 мл масло
Фил-полнење
400 гр спанаќ
300 гр млад, свеж кромид
300-400 гр сирење
Подготовка:
Истурете брашно во сад и посолете. Истурете млака вода и замесете тесто за да биде помеко. Извадете го тестото на работната површина и замесете. Поделете го на три тестенини, па покријте ги и оставете ги да одморат 10 минути.
За филот:
Исечкајте ги спанаќот и младиот кромид, измешајте ги, посолете и изгмечете ги со раце, па додајте го искршеното сирење.
Тестото развлечете го убаво со сукало, па витканата кора премачкајте ја со растопен путер.
Исечете ја кората на краци, а потоа свиткајте ја кората кон средината.
Кога ќе се состави кората, посипете ја со брашно и оставете ја на страна. Истата постапка повторете ја и со останатите тестенини.
Расукајте ја кората и ставете ја во подмачкан плех. Намачкајте ја кората со путер, па нанесете го филот. Втората кора расукајте ја и ставете ја врз првата, па намастете ја и нанесете од филот. Третата кора расукајте ја и ставете ја врз првите две, па убаво затворете ги од страните. Питата малку исечкајте ја на коцки, па премачкајте ја со путер. Се пече на 220 степени околу 20 минути.
