Овен (21.03 – 20.04)
Очекувајте различни добри можности кои доаѓаат во ваша насока. Можни се различни добивки или олеснувања. Извесни се информациите кои се поврзани со нова работа или подобрување на околностите на постоечкото работно место.
Бик (21.04 – 21.05)
Ќе имате многу зафатен ден, со многу проблеми со кои ќе треба да се соочите. Направете детален план за дејствување, со цел да го избегнете залудното губење на енергија. Иако може да бидете многу ефикасни, ќе треба да ја прифатите поддршката на вашите пријатели.
Близнаци (22.05 – 22.06)
Денес ќе се појават критики од страна на некои повозрасни личности или авторитети. Ќе биде предизвик да се воздржите од било какви реакции. Во втората половина од денот ве очекуваат убави моменти во односот со партнерот или блиските пријатели.
Рак (22.06 – 22.07)
Ви се советува сами да не се справувате со сите ваши проблеми. Ќе треба да прифатите поддршка од некој пријател. Советот понуден од некоја постара личност од вашето опкружување ќе се покаже корисен во избегнувањето на конфликтот со некој од вашите бизнис партнери.
Лав (23.07 – 22.08)
Ви се советува да ги искористите предностите и да се посветите на образование и градење на планови за иднината. Вашите социјални вештини ќе бидат одлични денес и ќе ја имате можноста да склучите некои нови пријателства. Може да се потпрете на интуицијата.
Девица (23.08 – 22.09)
Ќе бидете многу енергични и во вистинско расположение за разрешување на некое долго одложувано пратнерско прашање. Некој близок пријател на кој сте му верувале може да ве разочара, но тоа не треба да го земате за срце. Во љубовта ситуација е стабилна.
Вага (23.09 – 22.10)
Имате потреба да воведете некои промени во вашиот живот, но се уште не знаете кои ви се приоритетите. Послушајте го вашиот внатрешен глас или совет од некоја личност која добро ве познава, и нема да згрешите. Доколку планирате некое патување, испланирајте ги однапред сите трошоци.
Шкорпија (23.10 – 21.11)
Денешниот ден ќе изобилува со позитивност и ведрина. Желни сте за пријатели и забава. Чувствувате наплив на емоции кои ќе ве натераат да организирате средби со вашите блиски. Некои од вас ќе успеат да продлабочат некои пријателства и ќе бидат среќни поради тоа.
Стрелец (22.11 – 21.12)
Ќе бидете полни со позитивна енергија и ќе сакате да го правите она што навистина го сакате, па можеби затоа ќе барате повеќе отколу што можете да поднесете. Уживајте во разговорите со другите. Ќе ги изненадите луѓето со својата дарежливост и екстраваганција.
Јарец (22.12 – 20.01)
Ако вашите професионално финансиски цели не се усогласуваат со заедничките интереси, не бидете егоистични и суетни. Променете ја стратегијата и прилагодете се со цел да ги зачувате вашите интереси. Нема потреба од двојни игри или прикривање на вистината. Во однос на партнерот бидете поотворени.
Водолија (21.01 – 19.02)
Ако се обидувате премногу да се посветите на некои прашања во работата кои ви се поинтересни, ќе се најде некој што ќе ве критикува и ќе ви укажува на некои обврски кои се повеќе приоритетни. Ако ова сценарио се случува во вашата приватност, тоа укажува на скриени импликации.
Риби (20.02 – 20.03)
Имате многу енергија и издржливост – доколку се занимавате со спорт или уметност ќе постигнете извонредни резултати. Некои од вас тврдоглаво ќе се држат за своите цели и ќе пробиваат пат за нивно остварување. Но, има и такви кои се обземени од романтични емоции и имаат зголемени потреби за емотивна размена.
