Во изминатото деноноќие прегазени се двајца пешаци од Тетово во две одвоени сообраќајни несреќи.
Според СВР Тетово првата несреќа се случила околу 10.55 часот на бул.„Благоја Тоска“ кога автомобил „фолксваген голф“ со тетовски регистарски ознаки, управуван од 65-годишниот Р.А. од селото Ѓермо, удрил во пешакот М.А. од Тетово.
82-годишниот М.А. по несреќата бил пренесен во Клиничка болница Тетово каде му се констатирани тешки телесни повреди.
Другиот инцидент се случил синоќа нешто после 23 часот на булеварот „Маршал Тито“ во Тетово, кога автомобил „ауди А6“ со тетовски регистарски ознаки, управуван од 25-годишниот Л.Љ. од Тетово, удрил во 61-годишниот пешакот А.У. од Тетово. И тој е пренесен во Клиничка болница во Тетово каде му биле констатирани тешки телесни повреди.
