Летањето со авион може да биде непријатно искуство. Силните турбуленции не се единственото нешто што може непријатно да ве изненади, бидејќи понекогаш е доволно да доживеете незгоден момент поради моден избор.
Некои работи би можеле и погрешно да ги протолкувате, особено ако забележите дека стјуардесата интензивно ве набљудува, а фактот дека на пилотите им е дозволено да спијат за време на летот, секако не е пријатен. Но, има нешто уште полошо. Имено, според Дејли Телеграф, персоналот има куп тајни шифри кои ги користат за меѓусебна комуникација за да не предизвикаат паника меѓу патниците.
Шифра „7500“
Покрај очигледните, како што е шифрата „мајдеј“, која укажува дека авионот е во непосредна опасност, постои и шифрата „пан-пан“ што значи дека нешто се расипало. Исто така, некои од шифрите се бројки наместо зборови, а оној што навистина не сакате да го слушнете на летот е „7500“ бидејќи се користи во случај на киднапирање.
Се разбира, ако се наоѓате во киднапиран авион, има големи шанси да знаете за тоа пред да слушнете какво било спомнување на кодот, кој всушност треба да ги предупреди другите авиони и контролата на летање за опасноста.
Тајни кодови
Дополнително, тука е и шифрата „7700“ која е општ сигнал за итни случаи, додека со шифрата „7600“ пилотот сигнализира дека изгубил контакт со кулата.
Патем, ако сте на аеродром и слушнете како некој ги кажува зборовите „Code Adam“, тоа значи дека на аеродромот се изгубило дете.
