Пејачката ужива да снима влогови на Јутјуб, а обожавателите уживаат и да ја гледаат, особено кога на еден од нив ќе се најде нејзината мајка, која е чиста спротивност на Марија.
По две години, Марија Шерифовиќ со голема радост најави два концерта во Белекспо центарот, едниот на 23 март, а другиот следниот ден. Пејачката во разговорот се осврна на претстојните настапи, но и други актуелни случувања во нејзиниот деловен и приватен живот.
– Дојде редот да се дружиме. Многу ми недостигаше публиката, нервозна сум и едвај чекам. Само убаво да се подготвиме и се ќе биде во ред. За „Другата страна на плочата“ веројатно заборавив некои песни, некои испеав на француски, па ќе ми треба малку време да се сетам на сето тоа. Многу брзо почнуваме со пробите, ќе биде во ред – започна Марија.
– Минатата година испеав песна од Шабан Шаулиќ. Не бегам од народното, не модерно, туку традиционално – изјави пејачката.
Честите кавги во „Ѕвездите на Гранд“ со другите членови на жирито се секогаш тема, а Марија вели дека ги сака сите колеги.
– Не би сакала никого да елиминирам бидејќи тогаш немаше да има смисла, немаше да има конфликти, немаше проблеми. Ги обожавам Вики и Мили, а ако се натпреварувам ќе се земам за ментор – без размислување заклучила пејачката.
– Имам договор кој истекува оваа година, но нема потреба јавно да зборувам за тоа – истакна пејачката.
На прашање за нејзиниот живот на релација Америка-Србија таа одговори:
– Секогаш кога имам слободно време сум таму, всушност е пола-пола. Тешко е да одберам каде би живеела, но за нешто што се нарекува мирен живот, тоа е дефинитивно Америка.
