Малиот Саливан успеа да ја направи својата крштевка малку позабавна. Во сега веќе виралното видео на TikTok, мајката Кендис Вилијамс го држи своето момче додека свештеник ја чита Библијата. Тоа е посебен момент и семејството стои опкружено со роднини и пријатели пред олтарот. Но, Саливан одеднаш замавнал и ја исфрлил Библијата од рацете на свештеникот и таа полетала во крстилницата.
Иако свештеникот изгледал малку огорчен, Вилијамс подоцна за медиумите изјавила дека не направил никакви проблеми.
„Веднаш ја зеде Библијата и продолжи понатаму. Мојот сопруг едвај се воздржа да не се насмее, како и мојата свекрва, која беше во првиот ред. Брат ми бурно се смееше“, изјави таа за „Тудеј“.
Крштевањето траело околу 20 минути, а бебето цело време ги забавувало сите. Освен што предизвика инцидент, тој гугаше и се смешкаше.
