Црна Гора оваа година донесе ново правило за користење плажи кое ќе израдува многу гости – по 17 часот користењето лежалки и чадори на јавни и други плажи, освен хотелски, ќе биде потполно бесплатно.
Ова во Будва го изјави директорот на Јавното претпријатие за управување со морското добро на Црна Гора, Предраг Јелушиќ и додаде дека не е пристојно да се наплатува полна цена за користење на реквизитите на плажа на некој што ќе дојде попладне.
Освен тој новитет, според новиот Правилник за уредување на капалишта и плажи, усвоено пред два месеци, од оваа година на секоја плажа ќе бидат поставени информативни табли со работно време на плажата, цена на лежалките, квалитет на водата што ќе се мери на секои седум до 10 дена и типот на плажата (пет френдли, нудистичка, јавна или хотелска плажа.
Уште еден новитет на црногорското приморје е и тоа што освен јавните и хотелските плажи во понуда ќе бидат и 12 тематски плажи, па заљубените двојки, млади желни за забава, нудисти или гости со куќни љубимци ќе имаат свое „парче плажа“ каде ќе може да се опуштат.
За популарната брза храна во екот на сезоната е потребно да издвоите помеѓу 1 евро и 5 евра зависно од тоа на кое популарно црногорско летувалиште се одмара, додека цената на кафе е помеѓу 0.80 и 1.80 евра. Цените се скоро исти како минатата година.
Во рестораните цените се исто така слични како минатогодишните. За ручек ќе ви требаат помеѓу четири и 40 евра по лице зависно од местото на кое престојувате и нарачаната храна.
