Аријана Коскарова и Бојан Коскаров од Македонија се најдоа на новата листа „30 под 30“ за 2019 во Европа, која ја прави магазинот Форбс. Братот и сестрата Коскарови го добија ова признание во категоријата „социјални претприемачи“ со нивниот модел на иновативно неформално образование – Creative Hub.
Листата на Форбс, на успешни личности кои имаат под 30 години, оваа година вклучува претставници од 34 европски земји во 10 категории. На листата се најдоа и актерот Даниел Редклиф, фудбалерот Ентоан Гризман, како и наследникот на гигантот Луј Витон, Антоан Арно.
Creative Hub е концепт на иновативен тренинг хаб кој работи по 5П пристап односно предавачи кои се ескперти од област, програми кои одговараат на потребите на пазарот, визитинг предавачи, настани во текот на програмата и платена пракса за секој учесник. Аријана и Бојан во моментов го отвараат и својот втор хаб во Тирана, Албанија.
Ова е втора година Македонија да се најде на оваа листа.
