Во изминатите неколку изданија на емисијата „Мода“ на Сергеј Варошлија која се емитува на 1ТВ, пејачката и водителка Бојана Скендеровски неколкупати беше мета на негативни критики.
Сергеј го кажа своето, а пак Бојана не остана воздржана, па преку социјалните мрежи се закани со тужба.
Приказната не заврши тука, а во следните неколку изданија Сергеј коментираше позитивно, односно дека Бојана се поправила и изгледа подобро, особено кога шминката е во прашање.
Неодамна се одржаа Стори наградите каде се собраа македонските јавни личности, а меѓу нив на црвениот килим зачекори и бремената Бојана заедно со сопругот.
Тој во елегантен црн костум, а таа исто така елегантна во целосно бела минималистичка комбинација кој е тековен тренд во светот. Варошлија ниту овој пат не заобиколи да ја коментира Бојана за комбинацијата, шминката, фризурата, изборот на аксесоари… Ама, само со пофалби!
На мое големо изнанадување Бојана изгледаше одлично. Ова го кажувам искрено и без никаква иронија и едноставно треба да го прифати моментот дека кога некој не изгледа добро или соодветно на каков и да е настан –едноставно не изгледате добро. Кога ќе ја утнете шминката, мора да го прифатите тоа. Меѓутоа кога ќе направите добар погодок во стајлингот, кога ќе изгледате добро со партнерот, дефинитивно можам да ви кажам дека изгледате добро. И тоа е доказ дека јас немам ништо лично против никого. Јас само кажувам кој како изгледа и колку е тоа вкусно или невкусно. Во случајот двајцата изгледаат одлично. Бојана е бремена, одлично е стилизирана, многу ми се допаѓа таа бела минимална комбинација како стои на неа, коментира Сергеј.
Овој коментар веројатно и се допадна на Бојана, па не се огласи по повод пофалбата на Сергеј.
