Вчера познатиот композитор и аранжер, Григор Копров, на својот профил на социјалните мрежи ги нападна членовите на македонското жири за избор на песна на Евровизија, нарекувајќи ги тотални анонимуси.
– Лично чувствувам потреба да им се извинам на колегите и на братска Србија. Затоа што во 2007 година, на изборот во Хелсинки кога имав песна со Каролина Гочева композицијата „Мојот свет” во нашата делегација немаше режисер, а требаше.
Сите проби од визуелен аспект беа катастрофални, затоа што никој од нас присутните не знаевме стручно да кажеме што не е добро. Да напоменам дека во полуфиналето имаше 27 држави, и тоа беше во историјата на Евровизија најтешко полуфинале, затоа што 17 држави отпаѓаа.
Да кажам дека македонската и српската делегација беа во ист хотел, и за голема среќа во нивната делегација беше и режисерот Дарко Камарит, кој е мој личен пријател.
Бидејќи пробите беа при крај, незадоволството беше големо, затоа што визуелниот ТВ настап на Каролина беше катастрофален и очигледно дека со таков настап нема финале.
Јас во таа ситуација бев во очај. Го повикав на кафе Дарко Камарит и му се обратив со овие зборови:
-Дарко, од ова што го барам од тебе апсолутно не зависи нашето пријателјство. Имено, нашиот режисер, од за мене непознати причини не допатува и нашиот настап е лош. Те молам ако е можно да дојдеш и да помогнеш да се реши визуелно она што ние не знаеме објективно да им појасниме на луѓето во режија. Имам во предвид дека ти не си овде приватно и дека претставуваш друга земја, така да, од оваа твоја одлука не зависи нашето пријателство.
Дарко без никакво двоумење рече -Да, дојде и им објасни во режија што треба да се корегира. Имавме фантастичен настап и влеговме во финале.
Ја користам приликата уште еднаш јавно да му се заблагодарам, како него лично, така и на српската делегација. Прашање до сите кои ќе го прочитаат ова: Како ќе постапевме ние во обратна ситуација?
Жири комисија на ваква голема меѓународна манифестација се составува од најеминентните автори, како што впрочем го прават сите други држави, а не анонимуси, како што беше во нашиот случај – порача композиторот.
Ја користам приликата уште еднаш јавно да му се заблагодарам, како него лично, така и на српската делегација. Прашање до сите кои ќе го прочитаат ова: Како ќе постапевме ние во обратна ситуација?
Жири комисија на ваква голема меѓународна манифестација се составува од најеминентните автори, како што впрочем го прават сите други држави, а не анонимуси, како што беше во нашиот случај – порача композиторот.
Оваа полемика на социјалните мрежи се разви по гласањето во саботата вечер, кога Србија нас ни даде дванаесет поени, а ние ним ниту еден. Во коментар под постот на Копров, Роберт Вукелиќ напиша:
„Колку е жално кога ќе си плукнеме на своето и не си цениме. А да ве прашам чичко Копров кога ви беа плаќани песните по 2000 евра од мене или спонзорите додека пеев тогаш ми викаше ‘Пиле мое’ па ти си прекрасен ќе бидеш најдобар, а сега кога не е некој на естрадата присутен станува одма анонимус.
Постари сте имам почит ,но нека не ве правaт среќни само парите кога ќе ги видете, него и секој збор изговорен да ви биде од срце а не само кога е во прашање пари и тогаш да сте слаткоречлив со ‘Пиле Пиле – дете мое’ . Жалосно е што сме лицемерни и без љубов.“
Македонското жири беше во следниот состав: Сузана Стефановска (музички уредник), Фјола Исмаили (музичар), Роберт Вукелиќ (пејач), Христина Мицковска (радио диџеј) и Ристо Апостолов (музичар).
Дванаесетте поени ги доделило на Италија, десет на Австралија и осум на Албанија.
На телевоутингот Србите од нас добиле десет поени. Нашата претставничка Тамара доби 12 поени од Србија.
