|
Попладнево е пријавен пожар на Единствениот број за итни случаи 112 во ЦУК на локација кај рафинеријата „Окта“ во село Дељадровце, Скопско.
Според првичните информации гори нискостеблеста шума и друга ниска вегетација на потегот од Мршевци кон Агино село .
По дојавата на 112 во ЦУК, веднаш е алармирана и е веќе на терен Бригадата за противпожарна заштита (БППЗ) на Град Скопје којашто во моментот интервенира за да го локализира и да го изгасне пожарот на отворено, при што и мештаните помагаат со трактори за да го пресечат пожарот на површината кон која што се движи пламенот.
