Даниел Кајмакоски во јавноста стана познат со неговото учество во регионалното музичко шоу „Х фактор“ каде што ја освои публиката со својот глас и го однесе првото место.
Кајмакоски исто така учествуваше во регионалното шоу „Твоето лице познато“ каде што се покажа како одличен имитатор и покажа како се снаоѓа во улога на други светски ѕвезди. Иако направи музичка пауза, Даниел повторно се враќа на музичката сцена.
Даниел постојано е на некоја патување во регионот каде што има настапи, па често може да го видиме на релација Скопје- Белград- Будва.
Така деновиве Кајмакоски настапуваше во Црна Гора каде што и преку лето се наоѓаат и голем број на пејачи поради летната сезона. На црногорското приморје Кајмакоски се сретна со еден од победниците на музичкото шоу и пејачот Бане Мојиќевиќ. Тој ја искористи оваа средба за една заедничка фотографија која ја објави на социјалните мрежи, а во описот напиша:
„Дали ова лице ви звучи познато“.
Веруваме дека Бане и Даниел како двајца уметници имале многу заеднички теми на разговор, а дали ќе падне и некоја соработка меѓу нив останува да видиме.
