Денес времето во нашата држава во претпладневните часови ќе биде сончево и топло со мала до умерена локална облачност. Во попладневните и во вечерните часови ќе има локален развој на нестабилна облачност проследена со пороен дожд, грмежи и засилен ветер.
Локално ќе има услови за појава на НЕВРЕМЕ со град, електрични празнења и силен ветер. Максималните дневни температури ќе се искачуваат во интервалот од 28 до 35 степени.
Во Скопје во попладневните и во вечерните часови ќе има услови за локална нестабилност проследена со пороен дожд, грмежи и засилен ветер. Максималната температура ќе се искачи до околу 32 степени.
Нестабилно ќе биде и утре, особено попладне и навечер со локална појава на пороен дожд, грмежи и засилен ветер. Локално процесите ќе бидат ПОИНТЕНЗИВНИ и во форма на НЕВРЕМЕ проследенсо со пообилен пороен дожд, силен ветер, електрични празнења и појава на град.
Потоа од среда атмсоферата ќе биде значително постабилна, иако во попладневните часови во планинските места има услови за сосема ретка појава на краткотраен дожд. Максималните дневни температури и понатаму ќе се искачуваат во интервалот од 28 до 35, 36 степени.
Подготви: Славчо Попоски
