Познат е датумот на прикажување на филмот за најпопуларната кукла во светот – Барби! Имено, компанијата „Ворнер Брос“ на Твитер потврди дека реализацијата ќе ја види светлината на денот на 21 јули 2023 година, а објавија и како ќе изгледа славниот Кен, барем на големото платно.
Веќе имавме можност да видиме фотографии од Марго Роби во улогата на Барби, а сега знаеме како Рајан Гослинг се трансформираше за улогата на Кен. Оскаровецот позираше со руса коса и бронзен тен, а во тексас фармерки и раскопчан елек покажа неверојатни стомачни мускули.
Медиумите пренесуваат дека сценаристите одлучиле Рајан да се маскира во верзијата на куклата „Earring Magic Ken“, која беше претставена во 1993 година. Оваа верзија на Кен стана најпродаваната во историјата, а крена прашина поради гласините дека дизајнерите на куклата биле инспирирани од сцената од 90-тите во Лос Анџелес и Њујорк.
