Драматично спасување на исчезнат пожарникар при гаснењето на пожарот на Конечка Планина во атарот на с. Селце, штипско.
Во тек е акција за извлекување на штипскиот пожарникар на планината Серта, кој претходно беше исчезнат.
Пронајден е пожарникарот на ТППЕ- Штип кој исчезнал додека се гаси пожарот на планината Серта кај штипското село Селце. Пилотите кои го гаснат пожарот од воздух го забележале во непристапен терен.
Директорот на Центарот за управување со кризи, Стојанче Ангелов информира дека имало и обид со сајла да се извлече, но поради ветерот и лошата здравствена состојба на пожарникарот, оваа акција е стопирана, а со пожарникарот останал припадник на специјалната полициска единица.
Во моментов кон местото се упатени неколју штипски пожарникари и ловци кои го знаат теренот. МИА во петокот, на 6 октомври информираше дека има голем пожар на планината Серта и гори нискостеблеста шума во непристапен планински терен.
-Вистинска драма се одвиваше денеска во атарот на с. Селце, штипско каде веќе втор ден гори шумски пожар.Утрово во текот на акцијата на пожарникарите еден од нив исчезнал, поради што го прекинале гасењето на пожарот и започнале потрага по него. Откако не успеале да го пронајдат настанот го пријавиле во полиција, истакна Стојанче Ангелов.
