Младат надежна пејачка Елена Миленковска успеа да го скроти и да завладее со жирито од музичкото шоу „Ѕвездите на Гранд“.
Иако во првиот круг се извлече за влакно поради жестоките критики пред се од Јелена Карлеуша, а не беше поштедена ниту од останатите, овој пат Елена се покажа во сосема поинакво светло на сцената на „Гранд“.
Со оглед дека на минатиот настап во нејзина одбрана застана само Саша Поповиќ, а Карлеуша и кажа дека таа нема никогаш да стане ѕвезда, сега нештата драстично се променија.
Имено, во вториот круг нашата Елена беше под менторство на Ана Бекута која на својот прифил на Инстаграм јавно ја пофали Миленковска и откри дека ги добила сите шест „да“ од жирито.
За потсетување Јелена тогаш не го даде својот глас а еве што кажа дека мисли за македонската кандидатка.
„Јас мислам дека ти не си за оваа работа“ истакна Јелена, а веднаш ја прекина Саша Поповиќ.
„Значи тука го имаме следниот случај – Ана сака да ја земе оваа кандидатка, Јелена вели дека не е за оваа работа. Имаме многу интересна ситуација, ќе видиме во следниот круг“ истака Поповиќ, а Карлеуша додаде:
„Мислам дека влегуваме во една фаза каде што можеме без маски и ракавици да зборуваме со сите вас, со години сме остри, а публиката е навикната да бидеме сурово реални. Публиката знае дали некој нешто ќе направи. Кога ги гледаш овие луѓе кои седат во студиото и немаат никаква реакција…“ вели Карлеуша, а Поповиќ застана во одбрана на нашата кандидатка истакнувајќи дека на првата песна добила аплауз.
„Па, добро доби аплауз затоа што тие се платени“ вели Карлеуша, а Снежана и порача да не биде безобразна.
„Според нас таа отпеја многу убаво. И никој од жирито да не те земеше, ќе те земевме ние“ изјави Поповиќ.
Карлеуша повторно удри по Миленковска велејќи дека нема харизма, нема енергија и дека е – 0.
Од друга страна и Вики Миљковиќ имаше позитивен комантер за Елена, а Карлеуша иако мисли дека оваа кандидатка не е за пеење, единствено може да напраив кариера доколку таа и биде ментор.
