Комисијата за заразни болести предлага до Владата да се олабават рестриктивните мерки, со што постепено ќе се врати животот во нормала, рече министерот за здравство Венко Филипче на денешната прес конференција.
-Предлагаме во оваа недела да се вратат во функција центрите за едукација, обука, семинари на возрасни, организација на седници на органи за управување и конференции, авто школи и испитни центри, спортски тренинзи на отворено за индивидуални спортови, и затворени трговски центри без угостителска дејност, како и центрите за рехабилилитација на слух и говор, рече министерот Филипчe.
Тој додаде дека од следната недела ќе предложат да се отворат угостителските објекти со послужување, како и спортските тренинзи на отворено за колективните спортови.
-По пратење на епидемиолошката анализа, во неделата која што ќе следи ќе се предложи со отворање на казината, затворени спортски базени, теретани и фитнес сали, рече Филипче.
