Министерот за здравство д-р Венко Филипче потврди дека ќе се вакцинира во денешното гостување во емисијата Магазин. Филипче упати апел до граѓаните дека станува збор за безбедна вакцина, а со вакцинацијата ќе се подигне имунитетот на населението насекаде во светот и животот ќе се врати во нормала.
Mинистерот Венко Филипче изјави „Aпсолутно да, ќе се вакцинирам. Да покажам и да докажам дека треба да се вакцинираат луѓето. Вакцините се сигурни ние го пратевме нивниот процес на развој и сите фази од клиничките студии. Тоа ќе биде тоа што ќе ја смени сликата во светот. Искрено верувам дека следната есен, следната Нова Година навистина нема да има потреба за мерки никаде во светот, дека нема да има рестиркции, дека вакцината значајно ќе го подигне имунитетот и животот постепено ќе се врати во нормала“.
-Сите вакцини кои што се развиваат во светот во овој момент се развиваат на сосем безбедни платформи.Тоа се платформи, дали се тоа RNK, педизвикувач итн.кои што се добро познати и на која што основа се развиваат сите други вакцини кои што се достапни за другите болести на морбили, HPV – изјави Филипче.
Тој посочи дека станува збор за еден сосем безбеден и веќе установен систем кој што компаниите многу добро го знаат и имаат експертиза и искуство.
