Електричната гитара на која свиреше фронтменот на Нирвана, Курт Кобејн во спотот за хитот „Smells Like Teen Spirit“ за прв пат излегува на аукција.
Легендарната сина гитара Fender Mustang од 1969 година ќе биде понудена на аукција во аукциската куќа Julien’s што ќе се одржи од 20 до 22 мај во Њујорк.
Уникатниот инструмент, проценет од 600.000 до 800.000 долари, ќе биде изложен во Хард Рок Кафе во Лондон од 28 април до 3 мај.
Песната „Smells Like Teen Spirit“ беше објавена како дел од вториот студиски албум на Нирвана „Nevermind“, кој ја лансираше гранџ групата во ѕвездите.
Во интервју за Guitar World, Кобејн зборуваше за својата најдобра гитара. „Јас сум левак и не е лесно да се најдат висококвалитетни гитари за леваци по разумна цена.
„Но, од сите гитари низ светот, Fender Mustang е мојот омилен. Имав само две такви“.
