|
Грчките спасувачки служби ќе користат и подводен дрон во потрагата по исчезнатиот македонски државјанин во Егејското море, објавија грчките медиуми.
Потрагата вчера беше отежната поради силните ветрови кои достигнуваа до 5-ти степен по Бофорт скалата. Дронот ќе се користи во потрагата кога ветрот ќе се намали.
Камерата на дронот има видливост до 100 метри длабочина во водата и во радиус од 30 метри.
Во саботата попладне во близина на Посиди на Халкидики во Егејското море исчезнаа тројца Македонци.
25-годишниот Васил беше спасен истиот ден, 30-годишниот Иван беше пронајден по 18 часа минати на отворено море, а потрагата по третиот исчезнат, Мартин се уште трае.
