Воените оркестри на Армиите на Северна Македонија, Грција, САД, Велика Британија и Словенија ги интонираа заедно химните на Северна Македонија и на НАТО.Заедно сме посилни!#WeAreNATO, напиша Радмила Шеќеринска, министерка за одбрана.
https://www.facebook.com/watch/?v=1823198787785932
Потпаролот на Владата Миле Бошњаковски, вчера, одговарајќи на новинарско прашање истакна дека националната химна останува иста, ниту некогаш се разговарало химната да претрпи измени, ниту за тоа ќе се разговара. Химната останува иста и текстуално и инструментално.
„Вчера поради доцнење при слетување на авионот со грчкиот премиер Алексиск Ципрас беа изоставени сите свечени активности при дочекот, кои вклучуваат гарда, поставување цвеќиња и интонирање на химната, меѓу другото, и пред Владата“, рече Бошњаковски одговарајќи на новинарско прашање.
Додаде дека биле изоставени овие активности со цел да се добие на време, бидејќи посетата беше работна и во текот на еден ден имаше премногу активности.
„Химната во ниту еден момент не била спорна. Преспанскиот договор на ниту еден начин не рефлектира врз националната химна. Како потврда во периодот по потпишувањето на Преспанскиот договор во повеќе различни прилики националната химна била интонирана пред официјални грчки претставници како што беше кревањето на знамето на НАТО пред зградата на Владата“, рече Бошњаковски.
Во контекст на тоа додаде дека истото се случи пред неколку дена на Националниот ден на Република Грција на прием организиран од грчката Амбасада каде беше интонирана нашата химна.
„Исто така на спортски натпрервари како што беа квалификациите во Грција за Европското ракометно првенство нашата сениорска репрезентација играше во Грција, каде се интонираше нашата национална химна. Ова се примери кои укажуваат дека химната ниту била спорна“, ниту ќе биде спорна, рече владиниот портпарол.
