Актерот Хенри Кавил моментално го гледа публиката во најгледаната серија на Нетфликс, The Witcher. Во неодамнешното интервју за британскиот „Скај њуз“ тој изјави дека чувствува посебна одговорност играјќи го Гералт од Ривија, кој го игра во серијата. Втората сезона излезе минатиот петок и за помалку од 24 часа стигна до самиот врв на Топ 10 рангирањето на Нетфликс.
Во интервјуто Кавил изјави дека по веста за добивање на улогата ги играл сите игри Вичер, но и ги прочитал сите книги.
„Не можам да кажам дека бев загрижен како ќе го играм, но бев свесен дека нема да можам да им угодам на сите затоа што сите фанови имаат различна ментална слика за Гералт. Затоа, не се грижев. но чувствував голема одговорност кон ликот од книгите“, рече тој.
Иако на публиката и беше најпознат по улогата на Супермен, се предвидува дека Кавил ќе биде следниот Џејмс Бонд. Инаку, актерот е на листата на потенцијални кандидати, а покрај него се Идрис Елба, Том Харди и Реџ-Џин Пејџ од Бриџертон на Нетфликс.
Кога ја промовираше втората сезона на Вичер, Кавил беше запрашан дали има некој друг свет што му се допаѓа . Тој одговори дека ја сака минијатурната воена игра Warhammer 40.000.
„Најлесниот одговор е Warhammer 40.000. Тоа е моја работа. Играм од својата десетта година и сакам да играм во слободното време“, вели тој во видеото.
