Французинките се колнат во неа, како што Емили дозна од својот шеф во серијата „Емили во Париз“.
Оваа магична супа, наводно, е вистинско диетално чудо, а рецептот содржи само две состојки. Тоа е едноставна супа од праз која, слично како и сокот за прочистување, треба да се консумира за викенд. Освен што е преполн со хранливи материи, празот има благ диуретски ефект. И најдобро од сè: супата не само што се приготвува супербрзо, туку и ќе ви требаат само две состојки за неа!
Приготвување:
Добро исчистете го и измијте го празот. Отсечете ги зелените краеви од белиот дел. За супата се користи само белиот дел, а преостанатиот зелен може да се користи за други цели, на пример, за бујон за друга супа.
Грубо исечкајте го празот, ставете го во поголем лонец и прелејте го со вода. Сварете ја течноста и варете го без капак до 30 минути. Потоа, течноста може да се префрли во шише. Во зависност од вкусот, супата од праз може да се загрее или да се пие на собна температура.
Најдобро е да консумирајте по една шолја на секои два до три часа. Варениот праз можете да го јадете и како оброк за време на детокс-викендот: тогаш зачинете го со малку маслиново масло, сок од лимон, сол и бибер и малку сечкан магдонос.
