Визи за САД – доколку бидат издадени уште 2.000 во септември, ќе заминат во историјата, пишува Вечерњи лист, нагласувајќи дека Хрватска е на чекор до укинување на американските визи.
Стејт департментот испрати барање до владини претставници и луѓе од банкарскиот и деловниот сектор да аплицираат за виза во САД. Тие скоро сигурно ќе ги добијат своите визи и со тоа ќе помогнат да се намали стапката на одбивање под три проценти до крајот на септември, што е последниот услов што мора да го исполнат, пишува весникот.
Хрватска беше блиску до исполнување на тој услов, но светската криза го запре патувањето и ги намали визните услови на минимум. Повикот на Министерството е начин да се надополни тој недостаток.
Има малку време затоа што Американците ја заклучуваат фискалната година, за време на која ја пресметуваат стапката на одбивање, на тоа е на 30-ти септември.
Ако го достигнат тој датум, визи нема да требаат за следната година. Ако Хрватска го испушти овој „воз“, сега кога е близу до целта, на што чекаше од прогласувањето независност, во новата фискална година целиот процес на пресметување на стапката на одбивање започнува од почеток.
За да се постигне многу веројатната цел, беше потребно да се исполнат условите – да се имаат добри политички односи и да се исполнат техничките стандарди, кои вклучуваат техничка опрема, добро функционирање на граничните служби, обработка и споделување на безбедносни податоци, пасоши од највисок стандард, пренесува Вечерњи лист.
