Илјадници жители се принудени да се евакуираат откако избувна голем шумски пожар, што брзо се шири во северна Калифорнија. Пожарот ги блокирал патиштата на почетокот на празничниот викенд во САД, јавуваат американските медиуми.
Пожарот, наречен Мил, вчера избувна на имотот на фабриката што произведува фурнир и брзо ги зафати домовите во блиската населба Линколн Хајтс, предизвикувајќи наредба за евакуација на илјадници лица, соопштија локалните власти на градот Вид.
Пожарникарите продолжија да се борат со двата големи пожари и покрај опас ните временски услови, а седум лица се третирани од топлотен удар. Според информациите од американските медиуми, во пожарите се уништени две згради, а сите наредби за евакуација се укинати.
Калифорнија е под влијание на продолжен топлотен бран. Температурите се толку високи што тоа влијаат врз електричната стабилност поради поголема употреба на уреди за ладење, па од жителите се бара да штедат електрична енергија во доцните попладневни и вечерни часови, наведуваат американските медиуми.
