Пејачката Маја Оџаклиевска повеќе пати говорела за семејниот проблем откако на нејзиниот внук Лука во 2013. година му е дијагностициран аутизам.
„Стана сосема друго дете. Лута сум на цел свет затоа што знам дека мојата ќерка роди здраво дете“, рекла Маја Оџаклиевска за белградска „Глорија“.
Пејачката повеќе не се појавува на сцената бидејќи потполно се посветила на воспитувањето на внукот.
„Најмногу време минувам со Лука и кога станува збор за некоја рутина која се однесува на него, тие денови не се менуваат многу, но секој е различен бидејќи зависи од неговото расположение. Ако е нерасположен тогаш одиме во парк. Тоа е простор во кој тој се опоравува. Главно си игра со другите деца, па го водам да се качува на дрвата. Доста е спретен и сака адреналин. Не му пречат другите деца бидејќи тој си игра своја игра. Неговиот фокус е краткотраен, но успеа да го одгледа ‘Tangled’, во миг. Само поради него пред неколку години ја синхронизирав ‘Вајана’. Тоа го одгледа со 3Д очила во кино. Не се помести. Јадеше пуканки и гледаше. Сакав да го слушне мојот глас, бидејќи тој го смирува. Кога му се обраќам, јас тоа го правам смирено, а кога ќе полудам тој почнува да плаче“, рекла маја Оџаклиевска.
Пејачката раскажала дека таа прва забележала кај внукот дека поинаку се однесува.
„Се криеше по ќошиња, бараше темница и реагираше на силен звук. Стана потполно друго дете“.
Нејзиниот внук оди во претшколска установа за деца со посебни потреби каде постојат дефектолози, логопеди, психолози. Со него се постапувало според програмата за деца кои имаат аутизам или се по нешто специфични, но сето тоа бил спор процес.
„Во животот е тешко нешто да се изгради а лесно се урива, особено кога станува збор за живо битие со суптилна природа како Лука. Неговата душичка е очигледно многу напатена. Секому од нас нешто му пречи, а можеби токму него му пречи лаењето на куче. Тоа е многу индивидуална работа и секое дете со аутизам е свет за себе, секој има некој проблем, а потоа на наставниците им е многи напорно и тешко. Сепак, тие работат со голем ентузијазам, концентрирано, се трудат да запамтат што му треба на секое дете и на што реагира“, додала Маја.
Откако одлучила да го остави микрофонот продолжила да живее со пензија од 300. евра месечно.
„Со мојата мала пензија не можам многу нешта да му пружам на внукот, но тој е разбран. Кога му велам дека нешто не може, дека немаме пари, тој малку се лути, но ќути. Не е бесно дете кое по секоја цена сака да го истера своето“, била искрена Маја Оџаклиевска.
Таа истакнала дека нејзина најголема желба е Лука да се опорави, да добие уште внучиња но и да напише книга.
