Сите оние кои се корисници на iPhone, веројатно секојдневно го допираат знакот во вид на јаболко на задната страна на својот мобилен телефон, но не знаат дека тој дел всушност не е само украс или да изгледате угледно, туку може да послужи и како копче.
Како и сите произведувачи на мобилна технологија, па и воопшто на било каква технологија, и Apple постојано ги усовршува своите производи, но сепак многумина не беа свесни за опцијата на iPhone, па беа изненадени кога на социјалните мрежи почна да се шири видео за тоа како да се овозможи оваа опција.
„Копче за што? За што сакаш“, се наведува во објавата на корисник на TikTok. Функцијата се нарекува Back Tap и можете да ја користите за разни опции (скриншот, камера, блиц…).
Одговара на двоен или троен допир. Опцијата постои само во iOS 14 и може да се активира преку поставки (settings). Одите во поставки, ја избирате опцијата пристапност (Accessibility), потоа Touch, па Back Tap.
Кога ќе кликнете Back Tap, ќе можете да изберете за која опција и како сакате да го користите гризнатото јаболко.
извор: usb.mk
