Македонската некогашна пејачка, а сега водителка, Јана Бурческа, приватниот живот го чува за себе и го споделува само со своите најблиски.
Бурческа пред две години се оствари во улогата на мајка, со нејзиниот избраник Александар и сега ја имаат ќеркичката Дона, која воедно носи уникатно име.
Јавноста ја запозна Јана Бурческа преку музичкото шоу „Македонски идол“, каде таа беше една од финалистите.
Бурческа после породувањето некако ги намали музичките настапи и се насочи кон новинарството.
Па така, денес таа е водителка на музичката емисија „Стисни плеј“, на МТВ1, која пак е една од малкуте емисии од ваков карактер во нашите земји.
Бурческа позади себе нема скандали, ниту некогаш се пишувале невистини и непријатности за неа, но таа често знае да ја заинтересира јавноста со објавите на нејзиниот Инстаграм профил.
И тоа, не било какви фотографии, туку оние со нејзината најголема љубов, малата Дона.
На една од постарите фотографии со нејзината ќеркичка, Јана напиша: „Менувањето пелени се повторува најмалку 7 пати во денот, но јас и Дона не дозволуваме да стане здодевно, напротив, уживаме во тие мигови на игра, голицкање и нежност“, со што ги разнежни своите следачи.
Пред неколку месеци објави колаж со фотографии на кои напиша: „Најдобри пријатели“, со што алудираше на нејзиното куче и Дона.
„Дали е реална?“, „Девојче наше најубаво“, „Кукла убава“, ова пак, се само дел од коментарите на последната објава на Јана Бурческа, односно фотографија од малата Дона која пие чоколадно млеко.
Јана исто така знае да изненади и со својот специфичен, а светски изглед, несекојдневните парчиња облека, со кои никого не остава рамнодушен. Со оглед дека има навистина одлична фигура, никој не би се посомневал дека Бурческа е, и од не така одамна, остварена мајка.
