Дрвените даски за сецкање во кујната често се валкаат, а поради храната која се сече често попримаат и од мирисите и изгледаат како стари и неупотребливи. Сепак секогаш има начин за да им го вратите сјајот и можат да изгледаат како нови ако ги направите овие неколку чекори.
Измијте ги веднаш по употреба, така што мирисот и бојата на храната нема да навлегуваат во дрвото.
Измиените даски веднаш ставете ги исправени да се исушат и од време на време нанесете масло за да го нахраните дрвото и да му го вратите сјајот. Во зависност од тоа колку често ги користите, тоа може да биде еднаш месечно или еднаш на два месеци.
Две лажички сода бикарбона и 1 лажичка оцет се доволни за да се измие една даска. За премачкување 1 лажица масло.
Пропрскајте ја даската со оцет, посипете со сода бикарбона, тријте со рацете и оставете да стои најмногу 15 минути. Исплакнете со млака вода. Избришете со хартиена крпа и оставете да се исуши добро. Потоа премачкајте со масло.
Деталите погледнете ги во видеото во продолжение:
