Дали, и какви мерки ќе се донесат за да се ублажи ударот од ново зголемување на цените на производите, ќе зависи од ребалансот на буџетот. За десетина дена престануваат да важат постоечките, ограничената маржа и укинатото ДДВ. Она што во моментов се знае е дека, најверојатно, замрзнувањето на цените како опција за заштита од инфлацијата нема да биде во игра.
НИЕ КАКО МИНИСТЕРСТВО ЗА ЕКОНОМИЈА ДА НЕМА ДИРЕКТНО ЗАМРЗНУВАЊЕ НА ЦЕНИТЕ ЗАТОА ШТО НЕ МОЖЕМЕ ДА ВЛИЈАЕМЕ КАКО ЗЕMЈА НА ЦЕНИТЕ НА СУРОВИНИТЕ КОИ СЕ УВЕЗУВААТ ВО НАШАТА ДРЖАВА ЗА ФИНАЛНИ ПРОИЗВИИ. СО ТОА МОЖЕ ДА ИМА ДОПОЛНИТЕЛНИ ПRОБЛЕМИ НА ПАЗАРОТ ВО ЗЕMЈАВА, ИМАЈЌИ ВО ПРЕДВИД ДЕКА ИМА И ДРУГИ НАЧИНИ КАКО ДА СЕ НАПРАВИ ТОА, НО, СЕКАКО КОГА ЌЕ СЕ ЗНАЕ КОЛКУ ПАРИ ИМАМЕ ЌЕ ИЗЛЕЗЕМЕ И ЌЕ ИНФОРМИРАМЕ, ВЕЛИ МИНИСТЕРОТ ЗА ЕКОНОМИЈА КРЕШНИК БЕКТЕШИ
Од ребалансот ќе зависи дали ќе има продолжување и на кризната состојба на пазарот со струја, која завршува во јуни. Но, ќе зависи и колку пари ќе бидат обезбедени за енергетскиот сектор, односно за ЕСМ, за да се избегне нов голем раст на цената на електричната енергија, затоа што очекувањата се дека и оваа, и следната година, нејзината цена на берзите ќе остане висока.
АКО ТРЕБА ДА СЕ ПРОДОЛЖИ, ЌЕ ГО НАПРАВИ ТОА СОБРАНИЕТО ЗОШТО ОДЛУКАТА Е ДОНЕСЕНА ОД НИВ. НИЕ КАЖАВМЕ ДЕКА ТРЕБА ДА СЕ ПРЕДВИДАТ СРЕДСТВА И ДА БИДЕМЕ ПОДГОТВЕНИ ВО СЛУЧАЈ НА ВЛОШУВАЊЕ НА СОСТОЈБАТА СО ИНВАЗИЈАТА ВРЗ УКРАИНА, ДОДАВА БЕКТЕШИ.
Првата мерка за ублажување на инфлацијата беше донесе лани во декември кога се замрзнаа цените на основните производи. Но, од март беше заменета со ограничување на маржите, а се укина и ДДВ-то за основните производи. И покрај овие мерки цените продолжија да растат, а тоа го евидентираше и статистиката.
Ирена Чачкова
