Тазе пржени крофни, премачкани со сочен мармалад или крем… Сладок залак на кој ниту една генерација не му одолеала.
А, за да ве вратиме во детството и мирисот на крофните подготвени од вештите раце на баба, ви го нудиме следниот рецепт.
Потребно ви е:
2 јајца, 1 коцка квасец, 1 чаша јогурт, 1 kg брашно, 300-350ml вода, Половина лажичка сол, 5 лажици шеќер, 200g шеќер во прав, 100ml масло, Крем или мармалад, по желба.
Подготовка:
Во топла вода растопете го квасецот и додајте го јогуртот. Солта, шеќерот, брашното, маслото и јајцата додавајте ги постепено. Замесете тесто и оставете го да одстои 10 минути.
Потоа развлечете го и исечете кругови со големина по желба. Оставете ги да постојат 10тина минути, а потоа пржете ги во врело масло.
Готовите крофни, додека се топли, проросете ги со шеќер во прав и наполнете ги или премачкајте ги со крем или мармалад.
На здравје!
