Словенија трпи катастрофални последици од невремето и големите поплави што ја зафатија земјата минатата недела. Додека се очекува комплетно смирување на хидролошките прилики, на многу места во моментот се активни свлечишта, пренесува Н1 Љубљана.
Ситуацијата вчера беше особено сериозна долж реката Мура која откина повеќе од 10 метри насип кај селото Долња Бистрица во Општина Чреншовци.
Словенечките власти наредија евакуација на неколку села. Без струја останаа нешот помалку од 3.000 луѓе.
Неколку свлечишта се активни во Велење.
Европскиот комесар за урпавување со кризи, Јанез Ленарчич соопшти дека Европската Унија, на барање на Словенија, го отвори Механизмот за цивилна заштита по поплавите што ја погодија земјата.
Ленарчич твитна дека Словенија има потреба од механизација со оператери и привремени монтажни мостови.
Полски и унгарски камиони со храна и друг вид на хуманитарна помош се на пат кон Словенија, пренесе словенечката агенцијата СТА.
