Според нумерологијата, секој број има одредено значење. Луѓето кои во својот датум на раѓање го имаат бројот 8 се посебни.
Тоа се луѓе кои рано пораснале и станале одговорни. Поради тоа се многу стабилни, самоуверени и имаат силна волја. Ако го имате бројот 8 во датумот на раѓање, вие сте паметни, дисциплинирани и вредни. Умеете да управувате со пари и да ја организирате работата без разлика дали станува збор за банкарство, право, политика, менаџмент или сопствен бизнис.
Амбициозни сте, енергични, способни, знаете што сакате и како да го остварите тоа. Имате јасна цел пред себе и ништо нема да ве спречи да ја остварите. Сакате и да се натпреварувате со другите, особено со партнерот во заеднички работи. Умеете да решавате проблеми. Иако ги имате, парите не ви значат многу – лесно можете да ги заработите и исто толку лесно да ги потрошите.
Во љубовта имате потреба да остварите длабока духовна врска со вашиот партнер, инаку таа врска нема долго да трае, ниту ќе се чувствувате исполнето. Поради тоа, на оние кои го имаат бројот 8 во датумот на раѓање понекогаш им е тешко да пронајдат соодветен партнер и да се поврзат со другите. Многу често се чувствуваат осамено и несфатено. Не сте особено романтични, во љубовта повеќе сакате директен пристап, без „разубавување“. Но, ако успеете да ја пронајдете вистинската личност, тогаш целосно се менувате и целосно се предавате.
Поради тоа што сте амбициозни, фокусирани и не покажувате емоции, другите понекогаш ве доживуваат како ладни и воздржани. Но, вие не сте такви – само ви е тешко да покажете дека се грижите. Би требало да поработите на тоа да се опуштите, да се отворите и да се поврзете со другите.
