На почетокот беше страшно, имаше терористи по улиците, кои пукаа по цивили, постојано летаа ракети над нас, но сега е многу посмирено. Во моментов, кај нас, не така страшно како што се прикажува на интернет.
Ваква е ситуацијата што ја доживува Македонка, која работи во Израел, поточно во градот Ашдод и која ексклузивно за „Pressing TV“ раскажува како течат часовите и минутите среде израелско-палестинскиот конфликт. Ашдод е град со околу 226 илјади жители и се наоѓа на само 20-ина километри северно од Ашкелон, каде што се концентрирани најголемите и најжестоки судири, но и 40-ина километри јужно од Тел Авив, кон каде исто така беа истрелани бројни проектили од Хамас.
Таквата положба, го стави Ашдод и луѓето во него, како што е нашата соговорничка, многу блиску до центарот на непријателствата.
Немаше никаква најава за тоа што се случи, буквално никој не очекуваше вакво нешто. Инциденти имало и порано, на пример во мај, но тогаш ќе имало по две-три ракети на ден. Сега, од сабајлето беше со најголем интензитет, особено во Ашкелон, но практично сите ракети летаа над нас. И синоќа, околу полноќ, имаше петнаесетина минути во кои летаа ракети кон АШкелон, а оттогаш е мирно, вели соговорничката за Пресиг тв.
Таа вели дека и од властите добиваат смирувачки пораки, дека во скоро време состојбата ќе биде ставена под контрола и ќе има значително смирување.
Луѓето остануваат засолнети во своите станови, од кои излегуваат само за најосновните потреби. За такво нешто работат продавиците, но не и поголеми трговски центри и други објекти. се што можам да кажам е дека се надеваме дека се брзо ќе се смири, вели соговорничката на Република“.
Таа контактирала со македонската амбасада во Израел и во тек е со активностите што се преземаат за помош и евентуално извлекување на македонските државјани од Земјата.
Контактирав со амбасадата, во тек е евакуација. Веќе имаше авиони со кои Македонци се вратија дома и ќе бидеме информирани како тече тој процес. Ние овде сме шест луѓе од Македонија. Очекуваме дека ќе може да останеме, но ако продолжат борбите и ситуацијата не се подобри ќе се вратиме во Македонија, вели соговорничката за Република.
