|
Намалена видливост поради појава на магла од 100 до 150 метри вечерва има на патниот правец Куманово – Страцин, а од 10 до 15 метри на патот с. Лисец – Попова Шапка, информираа АМСМ.
Намалена видливост до 100 метри има и на планинскиот превој Ѓавато. На одредени патни правци кои поминуваат низ клисури и усеци можна е појава на поситни одрони.
Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата.
